前晚Amanda S.與曾傳緋聞的郭富城出席GUCCI秋冬騷，對於城城被指搭上王秀琳（Mango），她坦言看過報道，但很久沒有跟男方聯絡，她只知Mango是歌手，但不認識對方，問到兩人是否合襯，她說：「城城係Sexy Guy，同好多女仔好襯。（同熊黛林？）唔知，呢啲係佢私事，有啲嘢表面好襯，但實質就唔知。」
至於城城是否常以靚車接載女伴，Amanda認為男女約會，如果男方有車，接載女方是一種禮貌，問到有否獲城城以靚車接載過，她鬼馬地說：「你哋睇番報道啦！有就有，冇就冇。」
此外，城城好友兼御用排舞師Sunny表示看過報道，但最近甚少跟城城見面，問到城城與熊黛林是否已分手，他說：「我哋見面好少講私人嘢，最緊要佢開心。」