外表柔弱的李思欣解釋學砌模型背後的原動力：「我讀中學開始鍾意砌模型，以前有個男朋友話鍾意電單車，我諗住氹佢開心，咪靜雞雞砌架電單車模型送畀佢囉！佢收到之後仲影咗張相放喺電腦桌面做Wallpaper，畀佢啲Friend睇到，仲以為佢喺邊度搵到架電單車嚟影相，聽到佢咁講，我真係好開心！」

李思欣提醒使用膠水時要小心，以免貼錯了恨錯難返。	砌模型前，李思欣一定會詳細閱讀說明書才動手。	李思欣花了一整晚砌電單車模型，但她並不覺得攰。

捱通頂冇怨言

雖然情已逝，但她對砌模型的熱情未有減退：「當我知道要攞一件製成品出嚟影相，咁冇理由問分咗手嘅男友攞番架電單車㗎！所以我用咗一晚通宵，另外砌咗一架電單車，雖然通頂，但我唔覺得攰！因為喺砌模型過程中，可以令心境平靜，當你投入全副心機同精神去專注做一件事，睇到製成品嗰陣，真係好自豪！呢個都係我鍾意砌模型嘅原因！」

文：影視組