入行前曾任職空姐的陸詩韻（Sharon），經常去旅行放眼世界，如今加入商場做女強人，打理家族製衣生意，她坦言很久沒有旅行，只好趁到外地公幹順道遊歷一番。早前。Sharon隨父親先後到塞浦路斯、克羅地亞和維也納等地，寓工作於娛樂。

在克羅地亞大街小巷，不難發現音樂人自彈自唱，自得其樂。	陸詩韻表示克羅地亞盛產士多啤梨，故買了兩盒品嘗一番。	陸詩韻平日最愛影風景，來到維也納不忘拍照留念。

Sharon以前旅行會帶靚衫，每天漫無目的行街，但現在行李內有大量文件和手提電腦，又要帶備整齊套裝見客，她說：「雖然依家工作幾大壓力，不過真係學到好多嘢。」

走到塞浦路斯，Sharon卻未有被眼前的地中海吸引，因為她不懂游水！

Sharon指克羅地亞的樓宇多是平房，不像香港人煙稠密。

與長輩同行冇艷遇

Sharon早前到克羅地亞逗留兩天，也不忘到當地教堂遊覽，其後在酒店附近買士多啤梨，她說：「聽講呢度嘅士多啤梨好出名，而且價錢又平又好食，但我竟然『好好彩』，買咗兩盒，其中一盒啲士多啤梨係酸嘅，好彩另外嗰盒真係好鮮甜好美味。」

每次公幹都來去匆匆，有次Sharon有機會到塞浦路斯，其下榻酒店對住整個地中海，但不諳泳術的Sharon卻寧願躲在酒店：「我都唔識游水，同埋天氣超熱成38度，都冇出去沙灘行呀！」問她在異國有否艷遇，她說：「冇呀！跟Daddy同埋成班長輩去，點會有艷遇喎！」

文：專案組