小小So早前跟埋Lavina（鍾蕙芝）一齊過澳門做嘢，遲咗幾個字先施施然行入碼頭嘅Lavina，雖然踢住涼鞋同戴黑超，依然得到唔少男途人注目！雖然佢飽受援交同是非等負面新聞纏身，但仍無損人氣，所到之處依然有電車男Fans等候。小小So見到當Lavina一踏入碼頭，離遠已經有Fans認出佢，仲有個男仔恭恭敬敬咁行前兼遞咗袋禮物畀佢添，而煲緊電話粥嘅Lavina就理所當然咁用單手接，好似女王咁，但送禮個Fans依然好受落！
Lavina同小小So講，佢話Fans知佢搭船可能想食零食，所以特登買定一袋送畀佢，認真有心！佢同小小So吹完水之後，仲好Nice咁走過去同旁邊嘅Fans寒暄一番，氹得佢哋好鬼開心，好似執到寶咁！難怪嘅，相信Lavina喺佢哋心目中嘅地位就等同女神一樣！