最o靚模紛紛推出性感寫真，但18歲的鄧卓儀（Myra）則睇準無盡的網上世界，主力為網上的「Secret Angel」拍照及幫網上時裝店擔任Fitting Model，成為網絡界新寵兒，她說：「依家好多公司都會喺網上做服裝買賣，我就幫佢哋做模特兒，示範佢哋嘅服裝影相。」擁有175cm高挑身材的Myra，早於讀中五時已被同儕發掘，她說：「我家姐當時讀設計，佢有啲同學主修時裝設計，見到我咁高就成日邀請我做Model，幫佢哋試衫。」

鄧卓儀暫時主攻擔任網上模特兒。

鄧卓儀（右）曾代表香港到台灣參加模特兒比賽。

目標進軍廣告界

其後，Myra愈做愈有興趣，心感擁有一副Camera Face，便決心入行做Model！今年4月，她代表香港到台灣參加《World Supermodel Pageant 2009》，與其他三十個國家的代表爭一席位。雖然最後勇戰落敗，但Myra透露今次經驗絕對獲益良多：「參加呢啲國際性比賽，令我見識廣博咗好多，依家行騷都會淡定啲！仲識咗好多外地朋友添！」未來，Myra目標進軍廣告界，現已積極參與試鏡。