音樂會《搖滾復活》除吸引逾百樂迷High爆支持外，Dear Jane主音Tim女友楊洛婷、陸永、應昌佑及八模兵團的DaDa Lo、Hailey C.亦有捧場。Tom的緋聞女友Evelyn全場未見蹤影，但於完場時被發現躲在後台，甫見記者更落荒而逃，有別以往大方睇騷作風，Tom解釋：「唔係女朋友，佢嚟睇騷，驚再有緋聞報道影響我哋表演啫！」至於狂奔避鏡頭，Tom即打趣說：「佢平日鍾意跑，見到個個都跑，練習傳聖火呀！下次會企定定！」

Mr.出騷，專程來捧Tom場的Evelyn，甫見記者即狂奔（上圖）。

放大圖片

周國賢老婆寧睇方大同

至於周國賢（Endy）未知是否因老婆扭計，寧撐同日開騷的方大同亦不支持他，Endy更在台上「感觸」答謝樂迷忍痛放棄欣賞方大同：「老婆叫我幫佢買飛睇方大同，我話除非睇我先，佢就話湊女所以冇嚟！」

而少爺占透露螢幕曾一度出現問題，未能播放開場影片，令他甚氣憤：「遲咗半個鐘先開始，好多謝幕後人員搶救，最後可以喺完場時播番！」對於有女樂迷暈倒，他笑說算有進步：「之前開騷有人甩骹、甩鞋，仲試過畀啲燈閃到嘔添！」而Tim因High爆插水擦傷，他說：「落地嗰陣仲撻咗喺度！」