由鍾欣桐（阿嬌）、陳淑儀及邵美君主演的《星爸阿爸》前晚公演，蔡卓妍（阿Sa）、關智斌、鄭希怡、詩雅、英皇高層霍汶希與吳雨等捧場，張家輝則於中場時離開，飛車往醫院探望成奎安。阿Sa不但在花籃上寫上「撐你撐到底」，更到後台為阿嬌打氣，問到花籃不及Juno所送的巨型？她說：「佢有錢嘛！我誠意搭夠！」她又表示Call齊朋友到場支持阿嬌，問到有否邀請「基哥」鄭中基？她扮傻說：「李龍基？我唔識佢喎！」

完成演出後，阿嬌興奮得開香檳慶祝。	阿Sa見到張家輝，即揮手打招呼。	阿Sa率領陳偉霆、關智斌、鄭希怡、洪卓立及詩雅等支持阿嬌。

「蝦碌位」順利過關

至於初踏台板的阿嬌飾演一名打扮粗魯的TB，扮相入型入格，不過講述她與陳淑儀的父女情時，盡顯柔情一面，流出真眼淚。當阿嬌換上低胸裙時，台下即傳出嘩嘩聲。謝幕時，阿嬌眼濕濕地說：「好開心！小女子今次第一次演舞台劇，希望大家鍾意我哋演出！」她還自爆演出時有「蝦碌位」，幸能順利過關，問到演繹TB是否模仿別人？她說：「我細個都係成屋女人，唔知點同男人相處，都係自己揣摩。（請Juno嚟睇？）有呀！但佢唔喺香港！」

除了TB造型外，阿嬌亦穿上長裙展現Fit爆身形。	未能捧場的Juno，送上巨型花籃為阿嬌打氣。	阿嬌穿上低胸裙出場，令全場觀眾嘩然！

另外，關智斌透露自掏腰包請雙親到沖繩旅遊：「我哋一家六口去，到時我會逼阿媽着比堅尼，叫阿爸滑浪！（叫埋張敬軒？）唔知佢喺邊，佢好忙！（冇得一家親？）邊有一家親呀？世界大同，所有人都係朋友！」