呢排啲電視劇監製壓力認真大，事關個個網民都走去抽絲剝繭，捉吓套劇邊個場口唔合邏輯、邊個演員個造型唔連戲咁！有日小小So去Salon恤髮時巧遇何韻詩，見佢同髮型師講話想修吓個頭，小小So即刻出聲阻止佢！
小小So：阿詩，乜你唔係拍緊《女王辦公室》咩？
何韻詩：係呀！都差唔多埋尾，之後就開始要忙十月嘅演唱會。
小小So：咁你仲嚟剪頭髮？你唔怕唔連戲咩？
何韻詩：唔怕啦！其實一直都唔係太連戲，因為我哋有時會跳住嚟拍，有時拍咗尾幾集先，之後再拍頭幾集，所以都亂晒龍！
其實小小So都幾明白做演員嘅苦處，尤其係歌手，檔期已經難度，仲話要Keep住個髮型、肥瘦比例都一樣，你都咪話唔辛苦！網友們，大家都係「網」開一面啦！