有線電視長壽節目《怪談》推出電影版，為帶觀眾搵鬼，風水師司徒法正與女主持陳曉華遠赴泰國客串義工執屍隊，陳曉華說：「拍《怪談》壓力好大，有次司徒法正師傅唔在場，劇組拍我向死屍吹氣，事後我又屙又嘔，醫生話我吸入細菌，師傅後來幫我做儀式至好番。鏡頭前我好似好大膽，其實一到夜晚就失眠。」司徒法正則說：「攝製隊太急進，開棺有一定程序，佢哋今次好唔應該。（會唔會講點種生基？）好多人問我，冇龔如心小姐咁多錢可唔可以種生基，但今次趕唔切，或者留番第二集再講。」