元彪與李璨琛日前錄影崔建邦主持的《My Name Is 邦》，並暢談小時候的點滴，元彪坦言對讀書毫無興趣，每晚跟爸爸去荔園看戲，覺得很好玩，於是跟隨師傅于占元學功夫：「爸爸做羊毛衫生意，所以每逢表演，我都有羊毛衫着。爸爸仲會包起前面三行，又去影樓搵影相佬同我影相，總之一家人都會嚟睇我！」師傅要他們每朝做一小時倒立，如失手便要受罰，難怪有人受不了：「洪金寶走過兩次，我就冇走過。」
至於李璨琛則表示自小已很反叛，與父母溝通不好，更曾離家出走：「我9歲開始食煙，阿媽發現咗就唔畀我出街，我咪離家出走囉！走咗4、5日，點知阿媽報警，見到佢個心疼樣，覺得係咪自己有啲過分呢！」
