張智霖為出席《8．8水災關愛行動》而押後卡拉OK宣傳片拍攝，令過程更加緊湊，記者稱讚他愛心爆棚時，Chilam說：「絕對值得！我都想為災民出一分力！」近年密密代言搵真銀的他，樂意代言任何產品：「我今年喺內地拍咗兩個廣告，其實拍咩類型都冇所謂，只要係好嘅產品，我都樂意推介！」

親自Mix & Match

拍攝當晚天氣翳焗，但在戶外拍攝的Chilam依然穿上長袖恤衫：「我傷風呀！頭先已經去咗睇醫生同打針，依家有啲攰同埋肚餓！」他更着記者不要行近免傳染。雖然抱病在身，但他依然表現專業，並不時與導演商量拍攝細節，更於鏡頭前扮鬼扮馬：「一埋位就成個人都醒晒！雖然依家日日都要連續工作十幾個鐘，但我唔敢嗌辛苦，始終做嘢緊要！」

此外，Chilam透露長袖恤衫乃由他挑選，並自言相當講究衣着：「平時都有造型師幫我襯衫，但我始終鍾意自己睇吓同襯吓！有時上身同下身又未必配合，配搭對於我嚟講好重要！」

文：音樂組