曾走訪康城影展、威尼斯影展及奧斯卡等多個國際盛事的陳貝兒（Janis），轉眼間已累積了六年豐富的採訪經驗。不過在大學攻讀傳理系的Janis，為了能學以致用及一圓兒時的行政夢，毅然放棄了辛苦建立的娛樂新聞女主播形象，轉投bma擔任市場推廣部副總裁，當中的轉變着實令人嘖嘖稱奇。

陳貝兒轉投bma擔任市場推廣部副總裁，作新嘗試。

陳貝兒（右）早前夥拍鄭裕玲為無綫大騷擔任司儀，表現不俗。

談到決定轉型的原因，Janis感性地說：「以前做主播成日都只係講人哋嘅嘢、問人哋嘅心底話，我覺得係時候關注吓自己想點，同畀人聽吓自己嘅心聲，所以決定離開有線。喺呢度我好想感激舊公司嘅栽培，呢六年我冇枉過，我累積咗好多嘢畀自己。」

遊遍六國增廣見聞

為了讓自己能全情投入新的工作環境，Janis加盟新公司前曾抽出兩個月時間周遊列國，前後共走訪六個國家，讓自己增廣見聞的同時，亦可彌補與家人失去多年的相處時光：「之前嘅工作好困身、冇乜時間陪屋企人，今次嘅Trip幫我追番好多同佢哋嘅Quality Time，所以我玩得好開心。」雖然已給了自己一段時間調適新轉變，但Janis坦言上班前夕的心情還是相當緊張：「我之前嗰晚好緊張咁執拾行裝，又拎套Suit同公事包出嚟睇吓襯吓咁，感覺好似返番去小學生時代咁。其實今次可以有呢個機會接受挑戰，真係要多謝老闆羅傑承同老闆娘梁芷珊嘅賞識！」

髮型：SING@O4 Orient 4　

化妝：Cyrus Lee@BeautyTech

服裝：Anteprima

文：專案組

攝：馬永堅