榮升經理人的施念慈，早前與「女女」李莉琳齊齊接受娛樂on Show訪問。由於抵受不了主持人陳振安及俞詠文的大逼供，Celia在節目中細訴與陳鴻業的婚姻，並揚言自己從未後悔過：「當時我真係想結婚，再唔結就30歲喇！但我可以話我冇後悔過結婚。」Celia更以爛Gag表達自己既不介意再婚、亦不抗拒離婚，令主持人笑破肚皮，她說：「我會再結婚㗎！因為結婚好開心，離婚有錢收都好開心㗎！」

俞詠文（左起）、施念慈、李莉琳和陳振安言談甚歡，更大談尖銳性問題。	仍是新人的李莉琳，被讚有潛質及不怕醜。	李莉琳（左二）和施念慈（左）接受娛樂on Show訪問時，大爆曾有人畀錢邀唱K。

為Stephy錯字平反

談到現任男友Alex，雖然對方曾與鄧麗欣（Stephy）拍拖，不過Celia與Stephy同場沒有尷尬感覺，被問到出書有否109個錯字那麼多時？Celia還大方替Stephy平反：「我啲稿係手寫，有時攞啲版返嚟都會發現有好多錯字，呢樣嘢好難避免……其實我覺得Stephy份人幾爽。」

至於仍是新人的李莉琳則獲Celia大讚有潛質兼不怕醜。而全程表現淡定的Liz，更自爆入行前曾被邀請出席不一樣的「K局」：「都係啲朋友嘅朋友，話有人生日，叫我一齊去唱K，仲話唱完之後有幾千蚊收，我梗係冇去啦！」

文：專案組