電視節目《美女廚房》造就不少美少女廚神誕生，為娛樂圈注入新血，蔡瑩瑩（Ivy）便是其中一員！不過o靚模經常以性感裝束示人，令Ivy家人不禁擔心，Ivy說：「我唔會介意影泳裝，只要唔係太暴露同刻意賣弄就OK，不過屋企人嘅諗法始終會保守啲，佢哋覺得我會考25分，仲喺理工讀完大學，會對我特別有期望，不過經過一段時間嘅溝通，佢哋開始信得過我嘅判斷，知道我會有分寸，唔會為見報而不顧一切，先開始慢慢放心。」

青春無敵的Ivy，積極裝備自己，準備在娛樂圈一展所長。	放大圖片	o靚模頂爛巿，Ivy希望憑實力在娛樂圈站穩陣腳！

磨利刀等發圍

得到家人的支持，Ivy是時候定下自己的發展路向，她說：「今年有咁多新面孔，相信競爭都會好大，自己經驗仲淺，全靠經理人公司去安排，我已經開始學好多嘢去裝備自己，包括學唱歌、跳舞同演戲，等機會嚟到可以用得上。」

高材生最Buy子淇詠琪

Ivy讀書成績好，是家人眼中的高材生，講到最欣賞的圈中高材生，Ivy首選徐子淇和梁詠琪（GiGi），她大讚徐子淇讀書叻，而梁詠琪則是同校師姐，令她感到分外親切，亦為她感到十分自豪。

Profile

姓名：蔡瑩瑩（Ivy）

年齡：23歲

三圍：32B、25、33

身高：5呎5吋

體重：96磅

學歷：理工大學畢業

文：影視組

攝：馬永堅