前晚，子珊、洪卓立（Ken）、陳家樂及詩雅等齊齊出席《全港校花校草選舉2009》活動，穿上性感短裙勁歌熱舞的子珊，更忘我露出打底褲，她說：「條裙好短，都有啲唔自然，有打底，係好緊要嘅底！」她坦言對演出十分緊張：「係第一次唱，而且有段日子冇踏舞台跳舞，有啲生疏！」即將推出新碟的她被問會否繼續行性感，她說：「最緊要Fans鍾意，Fans冇叫我再性感，Keep住就可以！」

農夫帶同師妹樂瞳出席活動，並獲師妹激讚。	新片即將上映，洪卓立（左起）、詩雅及陳家樂計劃結伴欣賞。	參賽者為求奪獎，紛紛扮鬼扮馬博出位。

有女跟返歸示愛

談到選校草，Ken回憶當年曾被同學以金錢誘惑，跌進陷阱，他說：「話提名我贏咗就有五千蚊對分，第二日佢周圍同人講，話我覺得自己好靚仔，一定贏，我先知畀人整蠱！」他謙稱為人文靜，不是校草之列，但卻自爆曾被鄰校女學生跟蹤回家：「去我屋企樓下，畀咗袋禮物我，我好直接同佢講我有女朋友，個女仔好尷尬，之後就冇見過佢！」

至於身為評審的家樂與詩雅表示有音樂才藝的人會加分，詩雅說：「揀男朋友都一樣呀，仲有要係單眼皮！」此外，由他們主演的英皇電影《很想和你在一起》即將上映，家樂說：「叫埋Ken，要睇足成日聽吓觀眾反應！」