早前在書展及漫畫展掀起一陣o靚模熱潮的Angelababy、周秀娜及Kama等青春女模，早已先後在日本市場佔一席位。而在中、港及台灣樂壇地位舉足輕重的Eason，當然亦不甘示弱，秘密鋪路在明年踩入日本樂壇！

Eason的經理人陳家瑛親口證實，Eason將於下年進軍日本，有關方面更率先為他開設日本官方網誌。網誌目前仍未開始運作，暫時僅上載了Eason的照片，穿上紅色風褸的他，弄了一頭微曲髮，身形及面形明顯較他近日清減。

據知，avex早於兩年前已有意斟Eason進軍東瀛，但他當年入場觀看濱崎步的香港演唱會後，公然批評步姐咪嘴而激怒avex。陳家瑛坦承Eason將灌錄新碟，並在當地發行，但未有透露是簽那一間公司，只表示與avex無關。

女兒叫「Fat Fat」

此外，Eason太太徐濠縈昨日以一身潮人打扮，出席i.t時裝店活動，她透露其DIY手袋的首個用家是女兒康堤：「個女第一個試，不過依家未啱用，會留畀佢大個啲用，屋企所有嘢都留畀佢。（錢呢？）都應該嘅。（囡囡有冇讚你設計好叻？）佢成日都話媽咪好靚。（Eason呢？）冇乜。（話佢肥？）少少囉！叫佢做Fat Fat，好好笑。」