應屆港姐三甲劉倩婷、李姿敏與熊穎詩，昨日聯同「最上鏡小姐」袁嘉敏及「國際親善小姐」黃嘉麗先後到溥儀眼鏡及六福珠寶領獎。久未露面的前港姐冠軍兼六福董事楊寶玲亦有出席，對於港姐質素備受批評，她說：「OK啦！經過化妝同造型後都比初初靚咗！」不過，她慶幸未有被邀請擔任評判，直言因為「幾難揀」：「冇乜驚喜囉！可能佢哋年紀細，假以時日可以靚啲嘅，不過唔知啲香港靚女係咪去晒做o靚模。（你都有留意？）有！好有趣！」對於楊寶玲的「難揀論」，冠軍劉倩婷表示年年都會難揀，因每位佳麗都有不同的長處。
另外，有指袁嘉敏透過網誌撰文向劉倩婷示愛，袁嘉敏即否認：「係咪黑客入侵寫呀？我冇喎！」事後，她記得在北海道回港後，曾在網誌上讚對方好人：「佢真係好好人，但絕冇愛意囉！」她還自爆競選時曾愛上一名男性工作人員，而劉倩婷則表示已習慣同性戀報道，指馬詠恩與袁嘉敏均是朋友。另外，有讀者指劉倩婷的緋聞是由黃嘉麗落敗而揑造出來的，另有讀者自稱是劉倩婷父親的同事，指劉母對兩名兒子經常冷言冷語，令兩子離開茶餐廳。
