談到「重度抑鬱症」的症狀，醫生勞永樂說：「病人會對身邊事物冇興趣，易喊，覺得自己好冇用、冇乜價值，會產生自殺念頭，有時好早起身，但一起身會難於面對世界。（點治療？）要靠心理同藥物治療，需時好長，亦唔係打支針就搞掂，至少要4至6個星期，仲要接受心理輔導，呢個時間需要更耐。」另據台北榮總精神科主任蘇東平表示，抑鬱症可分為「輕度抑鬱症」及「重度抑鬱症」。輕度抑鬱症患者可以工作謀職，惟情緒一直處於低落狀態，一旦忽然厭世、想自殺，就成為重度抑鬱症。