形象Rock到爆的盧巧音（Candy），坦言做藝人慳極有限，單是每季的置裝費已高達6位數字，她平日怎樣慳錢？最近與男友打得火熱的她，閒時最愛玩煮飯仔，而她的慳錢之道亦是從買餸入手，她說：「老實講，我唔係一個好識慳嘅人，平時出街見到靚衫就忍唔到手，不過我同男友都唔鍾意出街食飯，我成日師奶上身去買餸，而且仲會講價添！」
Candy每次去街市，都會先「巡視」一圈格價，以免買貴餸，她說：「除咗睇吓食材新唔新鮮，都要睇價錢，例如我要買條魚，就會睇多幾檔，因為有時都幾『海鮮價』，睇啱價之後，再叫老闆平少少，咁又可以慳啲喇！去到菜檔，通常我都會學其他師奶仔，叫阿姐搭多條葱，咁又可以慳番5毫子！」
