電視台緋聞情侶為撐總經理陳志雲所著的《志雲星級廚房》登上手機版，齊齊攞正牌出動，當中包括陳豪和廖碧兒、鄧健泓與李詩韻。志雲更將嘉賓胡杏兒、古巨基及唐詩詠的緋聞擺上枱，他在試食環節時說：「胡杏兒最近胃口好，同黃宗澤去完旅行呀！古巨基話要留番消夜食，係咪留畀Lorraine？畀多啲唐詩詠，佢好大食，Amigo（崔建邦）唔喺度我要照顧佢㗎！」至於擔任司儀的湯盈盈亦慘遭玩殘，陳志雲甫出場即黑面質疑她翻譯「求其」，兼且忘記活動次序，言語間略為有火地說：「如果唔係人哋唔畀錢你！」嚇到盈盈愈講愈亂兼口震震，還直認沒有急才：「我平時上《獎門人》都係接唔到㗎！好耐冇做司儀好緊張，唔介意畀志雲話，咁樣令到件事搞笑啲，緋聞都好在唔係淨係講我，仲有講其他同事。」

陳志雲的《志雲星級廚房》登上手機版，隆重其事召開記者會。	鄧健泓緋聞女友李詩韻即將到外國讀書三個月。	陳豪和廖碧兒結伴出席活動，齊撐陳志雲。

讚生鬼有趣

活動後，陳志雲即讚盈盈雖然「甩轆」，但生鬼有趣，至於邀緋聞男女造勢，他說：「唔係刻意請佢哋嚟嘅，冇話主唔主張佢哋出多啲，作為演員最緊要觀眾鍾意睇。」