阿叻和秀姑前晚設宴慶祝結婚30周年，不少圈中好友如譚詠麟（阿倫）、曾志偉、王晶、馬德鐘、鍾鎮濤與妻子范姜等均有到賀，而阿叻帶備20支三十年酒齡的靚酒招呼嘉賓，氣氛熱鬧。期間，阿叻更承諾會實現秀姑多年來唯一的願望「打不還手，罵不還口」，決心戒掉陋習，他說：「今年我會改過自新，同黃杏秀一齊咁多年，佢唯一願望係我打不還手、罵不還口，我下咗決心，呢三日半粒粗口都冇講過，以前我輸波會踢人發洩，呢幾日都冇呢個情況出現。有冇要求秀姑為我改啲乜？乜都唔使，佢唔係人，佢係仙女下凡，好命嘅話我仲有幾十年過，呢幾十年輪到佢享受番。」

不少圈中好友賀阿叻結婚30周年。	阿倫踢爆阿叻和秀姑在場內激吻，大晒恩愛！	馬德鐘（右）和郭政鴻與阿叻老友鬼鬼，自然是座上客。

脷疊脷激吻

阿叻更透露當結婚60周年時會再次慶祝，對於李克勤和張學友未能出席其結婚周年，他覺得有點遺憾。而提到劉德華與朱麗倩十指緊扣現身機場，阿叻表示支持。

此外，阿倫笑言阿叻與秀姑在場內脷疊脷，不時激吻。對於阿叻要立品，阿倫表示支持，對方當晚一句粗口也沒有說過。