謝安琪（Kay）前晚與陳奕迅（Eason）前後腳出席酒會，為避嫌更整晚黐着老公張繼聰。Eason對於Kay日前被叫收皮一事，他說：「關我咩事？再講呢啲新聞真係好無聊，初初都唔介意，依家懷疑有人搞事，要停止。（係咪何韻詩？）一定唔係！」Kay亦認同有人搞事：「話五角戀真係好離譜，完全係創作故事！」而徐濠縈昨日出席Bertolucci活動，坦言如果老公Eason與Kay單獨相處沒有問題：「佢哋喺台上唱歌都係咁！（單獨旅行呢？）睇吓去邊，冇理由佢哋會單獨旅行，唔驚畀人影咩！（你係咪循規蹈矩？）唔好講到咁！（婚後有冇人追？）梗係冇，邊個咁大膽挑戰歌神，係Eason至真！」