郭羨妮前晚出席上海灘的時裝騷及尖沙咀新店開幕，同場還有名模劉丹及陳碧舸等。郭羨妮甫見記者即高興地表示主演的劇集《古靈精探B》收視好，問到會否萬歲？她自爆與郭晉安開工時已經常請食飯：「收視再好梗係會再請啦！」她又表示工作太忙未有拍拖：「真係冇。（你咁靚冇人追咩？）我都冇出街，冇畀機會人。（咁咪冇機會電人囉？）感情隨緣啦！（學徐淑敏閃電結婚？）我都好想恭喜佢，其實我冇諗呢啲嘢！（即係學阿姐汪明荃遲結婚？）似阿姐都幾好！」
談到有指今屆港姐質素下降，她即力撐師妹：「佢哋好好，靚咗好多，佢哋得廿幾歲，遲啲會再成熟，到時有唔同嘅靚！」
