林潔瑜（瑜瑜）近日在無綫的官網人氣高企，排名除緊貼楊怡及蒙嘉慧外，位置更力壓佘詩曼及胡杏兒等花旦，甚有觀眾緣，連正版許愿亦指娛樂圈適合她：「聽講佢當晚對答幾好，可以做司儀，會愈睇愈順眼嘅！（簽佢？）我冇做經理人好耐。（為佢再做？）阿叻同無綫都爭崩頭！」阿叻則讚瑜瑜是司儀界可造之材：「佢係唔夠三甲靚啫！我呢啲死老鬼都有得撈，賣藝唔賣樣！（簽佢？）係簽都無綫先，佢唔簽我就考慮啦！」而人氣慘遭瑜瑜蓋過的胡杏兒，也戥對方開心。

放大圖片	阿妹，加油！ 設計對白

讀文科記性好

另外，瑜瑜昨日與鄭寶源、馬詠恩及鍾溥敏等落選港姐返電視廣播城試鏡，雖然選美敗北，但瑜瑜依然充滿自信：「我有興趣做司儀工作，我讀文科記性幾好o架！（阿叻想簽你？）唔知，呢兩日淨係食同瞓，總之多謝前輩嘅肯定！（簽無綫定簽阿叻？）唔知點答，公司畀好多機會我！（你攞唔到獎，觀眾投訴喎？）我覺得賽果公平公正！」

李姿敏（左起）、劉倩婷及熊穎詩接受電台訪問。

鍾溥敏（左起）、馬詠恩、鄭寶源及瑜瑜昨日到無綫試鏡。

至於出爐港姐劉倩婷、李姿敏及熊穎詩昨日接受電台訪問，提到當晚收視為近年新低，劉倩婷認為是佳麗人數少之故，熊穎詩則指網上重播有影響。