呂良偉及太太楊小娟昨日為佛教導航精舍籌建般若禪寺錄音籌款，楊小娟演唱《清淨法身佛》弘揚佛法，而呂良偉亦會錄製一首由劉家昌作曲的歌曲。楊小娟說：「我哋成日都去廟參拜，所以今次籌建都會幫手，當師傅叫我，我就一口答應！」她又表示每個人都應該有信仰，人生才會開心及有方向。問到會否與囝囝一起唱，她說：「唔知佢識唔識，如果有小朋友參與都會叫埋佢，因為有意義！雖然佢喺天主教學校讀，但小朋友追隨乜都冇所謂，最緊要精神上有一樣嘢！」問到今次錄音有否壓力，她說：「呢個對我難度不大，因為今次係唱普通話，如果唱廣東話反而擔心！」