何國鉦昨日舉行09秋冬高級時裝匯演，洪欣、莊思敏、朱茵、嘟嘟、陳法蓉及陳貝兒等均有捧場。問到嘟嘟有否收看港姐時？她冷漠地說：「冇睇喎！多數留意港男！（節目唔吸引？）電視節目都分好多種，除咗睇電視外，我仲有好多嘢做，例如學畫畫同做運動！」對於港姐質素下降，她說：「依家我連娛樂新聞都唔睇，總之冇眼睇！有時間都睇啲有質素嘅節目，唔好咁負面，對身心都好啲！」談到今屆港姐由朱玲玲加冕，她繼續倒米說：「今屆同上屆我都唔知係邊個？幾年都冇睇喇！（唔係咁好？）公司咁多同事，唔係個個都識晒！」

洪欣（左起）、陳法蓉及朱茵盛裝出席時裝匯演。	趙雅芝	莊思敏「留前鬥後」，以露背裝出席活動。

恨由朱玲玲加冕

至於港姐出身的趙雅芝及陳法蓉均不約而同沒有收看港姐，趙雅芝說：「我有嘢做所以冇睇到！（港姐質素麻麻？）係平均啲！但好似話冠軍口才同學識都幾好，咁咪配合美貌與智慧囉！」她又表示大會找朱玲玲加冕相當合適及具代表性。而當年由李嘉欣加冕的陳法蓉笑言羨慕劉倩婷獲朱玲玲加冕，並大讚朱玲玲依然明艷照人。問她覺得李嘉欣保持得如何時？她說：「我覺得所有港姐冠軍都愈嚟愈靚，今屆嗰個都唔錯！之前又話佢斷背，其實我同蔡少芬都被傳過，但時間可以證明一切！」