人哋嘅家事唔需要評論，我好尊重佢嘅決定！呢個世界冇分對錯，家事唔需要向外交代，唔應該批評佢嘅處理方法！我有同華仔SMS聯絡，佢回覆話多謝關心！（傳華仔將於百日內結婚？）佢咁大個人，結唔結婚都唔關我事，亦唔需要向外交代！正如外間話陳可辛唔畀名分我，其實每個人都有共識！
湯鎮業：人哋嘅家事，我唔方便評論，費事愈描愈黑。依家華仔同「太太」都好傷心，應該畀多啲私人空間佢哋。
容祖兒：家家有本難唸的經，最緊要朱父安息，外人唔好加咁多言論或深入研究。藝人處理私事要考慮好多嘢，我好支持華仔！（網民鬧爆佢？）要包容，網民有網民嘅看法，佢公唔公開，我哋都好接受。
蔡卓妍：每人有自由同權利，藝人都一樣，藝人嘅私隱，唔需要別人批評，亦唔係工作上嘅範疇。（華仔公開另一半？）佢有佢嘅選擇，華仔咁多年努力工作，大家有目共睹，唔需要將私事公開。
陳奕迅：順其自然啦！好似我咁，結婚同生仔都冇刻意公布！
楊千嬅：咁開心，好祝福佢哋，係開心事，唔好逼佢，唔好再批評，開心最緊要，戥佢高興最好！
張 菲：希望傳媒影到嘅小朋友真係華仔嘅，因為佢同台灣感情好深，佢嘅孩子就等如台灣人嘅姪兒！