華仔首度承認朱麗倩的身份，圈中人議論紛紛！譚詠麟（阿倫）與紅顏知己Wendy（朱詠婷）雖育有一子，但多年來一直未有公開給對方名分，至譚父過身後，他才公開Wendy及兒子的關係，情況與華仔類同！
阿倫說：「每個人都有唔同嘅遊戲規則，家有家規，我覺得冇問題！（網民勁鬧？）網民有網民嘅睇法。（華仔今日現身盡孝道？）哈哈！張相係咪Key上去㗎？（有冇忠告？）佢咁大個人，唔使教！如果係真，應該帶畀我哋呢啲世叔伯睇吓，呃咗我咁耐！」他又笑說：「若要人不知，淨係話我知；若要人人知，就講畀志偉知！」
至於同樣曾隱瞞已婚及育有四子女的吳宗憲，認為華仔根本不需講清楚：「就算他有小孩，以他的年紀，都是可被原諒的！」他透露當年與華仔錄碟時，曾在火鍋店見到一名女子坐在二人中間：「我沒問是誰，但應該是她了！」而身在北京的成龍則不作回應。