李泳豪同楊思琦拍拖一向都好低調，但最近畀人公開咗生日會時同豪仔搭膊頭嘅「蜜照」！小小So知道思琦為咗呢件事有少少唔開心，話擔心畀公司詐型。不過，原來啲相之所以流出，係因為豪仔一時貪方便將啲「蜜照」放上Facebook，一傳十、十傳百咁就流傳咗出去！思琦都好無奈，仲話試過有人冒佢名義開Facebook添！
思琦：因為工作比較忙，我從來冇開Facebook。
小小So：不過有人話喺Facebook見過你！
思琦：我都聽人講過，有人集合咗我一批相放上Facebook，然後自稱係「思琦」周圍Add人，唔知嘅人真係好易上當。
小小So：打算點處理？
思琦：我都擔心Fans信以為真，但講真好難杜絕，惟有同我識嘅朋友講嗰個唔係我，怕佢哋唔知道，當真亂咁同人網上聊天，咁就好危險。