雷凱欣靜悄悄把發展基地轉到台灣，除出席活動及當雜誌模特兒外，更經常現身夜場表演，大跳性感舞蹈，難怪被雜誌《FHM》票選為性感Icon，撼低日韓性感偶像李孝利及安室奈美惠。打算逐步移居當地的她，自言早已與台灣結緣：「我本身好鍾意去台灣旅行，因為旅行期間幫朋友影相，先有機會涉足當地演藝圈，依家留台做嘢冇唔慣，反而返香港成日對人講普通話！（搵台灣男友？）有人追！睇定啲先！」

單身的雷凱欣自爆有人追求，但男方仍未能打動她。	雖然o靚模崛起，但雷凱欣相信做好自己已足夠。	放大圖片

鍾情單眼皮男子

凱欣自小鍾情酷酷的單眼皮男生，條件和紅爆小生阮經天一樣：「有日我同啲朋友去食飯，一眼就望見小天行入嚟，我同啲朋友打眼色，佢哋發現即刻癲咗，不停要合照、簽名，成枱得我一個冇行動，事後仲問我係咪唔鍾意小天！」自稱「宅女」的她，喜歡留在家中煲台劇，乍聞「拍台劇」三個字，已十分雀躍。

由於長期不在香港，對o靚模湧現亦毫不知情：「冇諗過挑戰人哋，同畀人挑戰，我覺得行性感都行得幾穩陣。（有咩優勢？）應該係多咗啲經驗！（屋企人反對性感？）父母好開通，見我成日食嘢仲問：『行性感唔怕肥咩？』」

Profile

出生年份：1983年

身　　高：5呎4吋

三　　圍：36F、24、35

入行經過：00年投考有線YMC台主持奪得亞軍，躋身VJ行列，及後簽約StarEast，停工一年後「復出」充當雜誌、報紙模特兒。去年遊台灣，被邀擔任雜誌模特兒，令工作量大增，又不時亮相電視台節目，打算以「過江龍」身份進軍台灣。

服裝：Gloria Co. Ltd

文：影視組

攝：沈健程