阿Sa日前為adidas最新秋冬運動服拍攝新一輯廣告，導演要求着上長袖衫褲的她，在35度的高溫下進行戶外拍攝，更做出健身、拳擊及舞蹈等高難度動作，但阿Sa仍全程笑容滿面，反而怪責自己平日缺乏運動：「呢排比較忙，冇乜時間做運動，一下子要跳舞、拉筋同拗腰，真係好高難度！搞到腰痠背痛！」

阿Sa拗腰示範瑜伽動作，令她腰痠背痛。

小朋友見到阿Sa，立即蜂擁上前索合照。

暢談威水史

休息期間，阿Sa突然抱着大堆自備的零食，更不顧儀態密密食：「我一向都好為食，只要有零食就會成個人都開心晒，好彩我暫時唔使減肥節食，哈哈！」

拍攝完畢後，阿Sa巧遇剛放學的小學生，愛心爆棚的她即時跟小朋友打成一片，更大談小時候的威水史：「我細個都好鍾意做運動，仲係田徑隊隊員，跳高、跳遠仲參加比賽添！」而小朋友亦爭取機會與阿Sa合照，氣氛融洽。