趙碩之（Wylie）細細個已經至愛食紫菜，雖然有味精欠健康，但食落卜卜脆又惹味，愈食愈唔停得口。她自爆最高紀錄曾一天喪食一百包紫菜，數量驚人，更嚇壞媽咪。
Wylie曾經因食紫菜，被老師罰留堂，至今難忘：「因為太鍾意食紫菜，試過帶一百包返學校食，連上堂都不停偷食，幾堂就好快食晒一百包，搞到成身紫菜粉，仲畀同學告發。」
當老師向Wylie查問時，她還死口唔認，意圖瞞天過海：「不過，因為校裙同心口都黐滿紫菜粉，完全呃唔到老師，搞到要見家長，結果媽咪罰我一日只准食兩包，仲嚇我話食得太多，眼球就會凸出嚟，當時細個信以為真，曾經試過有一排好驚唔敢食，後來知冇咁易有事，即刻又再食番。」
