陳法拉昨日以吊帶短裙出席名車活動時透露有意換跑車，她認為女仔揸跑車好型：「其實我十六、七歲已經揸車，不過喺香港成日迷路，路窄又多單程路！（跑車太招搖被撩？）揸得都鍾意人望，我覺得揸車係身份象徵！」問到男友會否揸快車，她說：「我啲朋友揸車好安全！（你呢？）都好安全，仲係女車手添！（被扣分？）都有！不過唔係揸快車，係當黃燈轉紅燈時，畀人影到我衝紅燈，嗰次係意外，下次會小心！（鍾意男友揸車快過你？）我好驚男仔為型而揸快車，我覺得最重要係安全！（揀男友一定要有車？）唔一定，我覺得搭地鐵都好浪漫，但揸車就有私人空間！」