袁潔瑩與同性密友阮嘉欣、Rosemary、莊思敏和陳淑蘭等，前晚出席香港傳藝節仁濟夜慈善晚宴，袁潔瑩和阮嘉欣大方合照，問到幾時公開另一半，袁潔瑩「吓」了一聲說：「未到最後一刻唔知，可能我突然會生仔呢！我仲有兩個細佬，結婚生仔落喺佢哋度多啲！」問到家人是否已接受她與阮嘉欣過從甚密？袁潔瑩說：「我有好多朋友，去好多唔同活動會有唔同Partner，爹哋從來冇畀壓力。」她強調家人希望她生活開心，更自爆他們為她鋪排40歲後的生活。
而陳淑蘭自爆與資深模特兒Grace Yu合作搞模特兒公司，更帶同長髮美女赴會：「佢係我公司旗下嘅模特兒，叫Kristy。（點名提拔佢？）唔好咁講，仲有啲嘢要執，會四圍發掘有潛質嘅女仔！」對於今屆港姐被指質素差，港姐出身的蘭子即封嘴：「冇睇港姐，唔清楚。」但她表示若有適合於電視台發展的女仔，會考慮讓她選美。
