徐濠縈昨日應邀出席LG手提電話發布會時，被大會指情迷透視設計的東西，但她表示不會穿透視睡衣調情：「我鍾意睇多啲！」阿徐更自爆最近與囡囡一同迷上常穿透視裝的美國歌手Lady GaGa：「好鍾意佢啲服飾，佢全部歌都係自己寫，好叻！我之前去咗睇佢兩場騷，先去日本再去澳門，不過就冇帶囡囡去。」
對於有傳Lady GaGa是雌雄同體，阿徐表示不相信：「見佢臀部、腳都有肉，幾女仔，我冇上YouTube睇嗰段片，因為我唔係鍾意睇佢下面。」談到囡囡作Lady GaGa打扮，她坦言冇問題：「我啲朋友都話我似Lady GaGa，我接受能力高。」問到老公陳奕迅會否反對？阿徐認為不會：「佢咪仲癲！」
