問到會否邀請舊情人李美鳳？阿驄以身旁的鍾鎮濤（阿B）擋駕，阿B笑說：「我會以阿驄名義送兩張飛畀李美鳳！」而早前在活動上重逢李美鳳，阿驄嫌阿B與譚詠麟搞搞震，阿B即踢爆阿驄當時騰騰震：「唔知係開心定震呢？」阿驄不甘示弱地拿阿B與前妻章小蕙的新聞反擊：「邊夠你勁，搬埋樓上樓下！」此外，阿驄表示希望囝囝亦能到場欣賞：「佢成日話聽我以前有幾威，但一首歌都未聽過。」

林敏驄（左）即場與樂手Jam歌，大騷Quali。

眾嘉賓出席林敏驄的記者會，星光熠熠。