今年港姐被彈質素是37年來最差的一屆，不但收視是近年新低，連針對賽果的投訴亦超多！據無綫昨日公布的收視，《2009香港小姐競選決賽》收視錄得近年新低，只有146萬觀眾捧場，最高收視亦只有28點（公布名次一刻）！而廣管局及無綫更分別接獲五十宗和三宗投訴，指賽果不公、節目內容不雅及對兒童造成壞影響。

至於出爐香港小姐冠軍劉倩婷、亞軍李姿敏、季軍熊穎詩、「最上鏡小姐」袁嘉敏及「國際親善小姐」黃嘉麗，昨日先後到旅行社和美容整型中心出席領獎活動，得獎佳麗將於十月與香港先生許家傑和陳偉洪到張家界作親善之旅，劉倩婷表示十分欣賞許家傑的舞藝，但不擔心拍攝時傳緋聞。

劉倩婷將與許家傑（右）和陳偉洪作親善之旅，她十分欣賞許家傑的舞功。

袁嘉敏連日來唔夠瞓，搞到黑眼圈及眼袋現形。

「疑似Kitty」留言力撐

提到被指到英國讀書時撇甩富貴同性密友Tracy，轉軚冧更富貴、家族經營20億地產生意的Kitty，劉倩婷否認：「兩個都係識咗十幾年嘅朋友，大家都有聯絡。」再問到死黨Mazy指她離港讀書後「唔識人」，她亦予以否認，並解釋因忙於學業、父親後事及選美而少聯絡朋友，認為只是Mazy過分敏感。對於當選後網上即流傳其參選前的相片，樣貌與現時大有出入，她笑說：「冇整過容，全身都係原裝正版，你估我係MJ（米高積遜）呀？（被指喺媽咪經營嘅茶餐廳電阿叔？）嗰啲係幫襯咗好耐嘅客人。」不過，昨晚記者發現劉倩婷的Facebook上，開了一欄供Fans留言，有一位「疑似Kitty」的人留言支持，力撐她一定贏。

另外，熊穎詩被問到會否用美容禮券去脫癦，她說：「考慮吓啦！粒癦由細到大都喺度，自己唔覺得唔靚。」而袁嘉敏則希望改善黑眼圈和眼袋。

文：影視組

攝：攝影組