連續三場的方大同《Timeless Live in Hong Kong2009》音樂會，將於周四在灣仔會展隆重開鑼。由於早前要為新碟馬不停蹄宣傳，未有充裕時間綵排，令大同甚為擔憂，幸他最後迅速上手。向來能彈擅唱的大同，更練到「人琴合一」的境界，他說：「埋位綵排後練得熟咗，可以練到唔使睇譜，純粹以眼色同樂隊交流。」大同身材偏瘦，問到會否因綵排音樂會變得更瘦？他說：「咁又冇，都係差唔多。」

慶幸與Fiona傳緋聞

由於個唱票房極佳，場場爆滿，為大同注下強心針，不過他仍欠下不少「飛債」，問到會否添食開Part 2？他說：「如果係都可能係出年嘅事。（滿意票房？）我唔係好理呢啲嘢，我着重口碑同製作，呢啲先緊要。」此外，大同的全新專輯銷量不俗，更首度唱廣東歌，問到會否順勢推出廣東專輯？他說：「廣東話始終唔係我強項，唱廣東歌都係留番畀Eason（陳奕迅）仲好。」大同稍後更會赴台灣和上海等地開騷，問到是否賺到笑？他笑說：「收入係唔錯嘅。（買樓？）將賺到嘅錢投資喺貴價樂器。」

提到緋聞，大同出道至今只有薛凱琪（Fiona）一位緋聞女友，他笑說：「做藝人八卦新聞一定有，但好好彩淨係同佢傳，反而冇咁煩，因為大家係好朋友，唔會影響友情。」