王仁曼芭蕾舞學校前晚在沙田大會堂舉行《明日之星2009─糖果屋及經典芭蕾舞精選》表演，吸引不少星級媽咪帶子女捧場，包括明美連、郭錦恩、徐濠縈、范姜與何志恩等。

身穿粉紅色裙仔的康堤，由媽咪徐濠縈拖着入場，更友善地拖着何志恩及范姜的女兒合照。問到學了多久芭蕾舞，康堤笑咪咪地細聲說：「兩年。（鍾意跳嗎？）好鍾意跳。（Daddy有冇喺屋企跳？）見過，我鍾意睇。（你同佢邊個跳得叻啲？）Daddy叻啲。」徐濠縈表示女兒很愛跳芭蕾舞及溜冰，不擔心她的腳變粗。

被踢爆在家跳芭蕾舞的Eason，曾在演唱會中露兩手。 資料圖片	看見鍾懿手舞足蹈，范姜會心微笑。	明美連帶同囡囡捧王仁曼（右）場。

大肚范姜呻累

至於范姜則表示，忙於為女兒鍾懿鋪排報讀小一的事宜，談及習舞一年的囡囡，她說：「佢成日亂跳，遺傳唔到我Flexible跳舞嘅一面，佢唱歌就似Daddy，拍子好準！」身懷六甲的她笑言感覺像「擔泥」：「行幾步就攰，想抱吓個女都唔得，下星期一先知係仔定女，我想係女，而阿B（鍾鎮濤）就話男女都冇所謂，只怕BB叫佢做爺爺。」