近年由台灣來港發展的趙彤（Yedda），家中飼養一頭兩歲大的貝靈頓犬，陪她度過不少快樂時光，Yedda說：「佢叫Cici，係女仔嚟嘅，平時好嗲人㗎！」Yedda指Cici是一名好友買給她的，但養狗責任甚大，事前她亦經過長時間考慮：「雖然我好鍾意狗仔，細個都養過兩隻，但以前有阿爸阿媽幫手，依家一個人獨力照顧佢，所以都擔心冇咁多時間，最後我睇咗六本關於狗嘅心理書，先至決定養佢。」
與Cici感情日漸深厚的Yedda，經常帶愛犬行山及跑步，更在牠一歲生日時為牠搞生日會：「我當佢係自己個女，平時好錫佢，但可能佢仲細，有次都激到我死死吓！佢好小姐脾氣，每次我超過十二點返屋企，佢就會將自己嘅尿片咬爛，搞到成地都係棉花，真係畀佢激死。」
