前晚《Dream Wedding Leon Live巡迴演唱會》首站在廣州體育館舉行，黎明（Leon）相隔九年重返廣州開個場即全場爆滿，而台下歌迷的熱情，令受了五小時大塞車煎熬兼水土不服的他心情靚爆，嘴角不時流露笑意。Leon為了首站演唱，更以「雙J」出動，讓Janice Man首次在廣州觀眾前獻藝。而衞蘭之前曾在廣州舉行個唱，她出場時觀眾反應熱烈。其後衞蘭穿上六吋高踭鞋，見她如行平衡木般，一步一驚心落樓梯，觀眾也戥她「牙煙」！

穿上六吋高踭鞋的衞蘭，落樓梯時一步一驚心！	黎明自爆與樂基兒在家中撐枱腳，慶祝女友生日。	樂基兒

讚衞蘭唱功

雖有指Janice Man是Leon新寵，令衞蘭地位有所動搖，但慶功宴上，當衞蘭接受傳媒訪問時，Leon突然閃出大讚她唱得很好，令衞蘭儼如注下強心針，開心不已！而前晚演唱會撞正Gaile生日，Leon說：「冇特別慶祝，之前一晚都喺屋企食飯，送咗份禮物，之後要瞓覺準備第日嘅演唱會。（Gaile都話返屋企煮飯仔？）咁生日冇理由仲要下廚，我哋都係叫外賣啫！（廣州塞車，好彩冇叫壽星女捧場？）你想佢以後唔嚟睇騷！咁佢喺香港都睇咗啦！」提到「雙J」出擊，Leon透露兩女將一同拍戲，現公司正為二人寫劇本，但他剛忙完兩部電影，暫未想過做導演。

對於Leon為兩人開戲，衞蘭透露最想飾演「變態殺手」角色，Janice Man則渴望演醜女接受不同挑戰。對於曾拍戲即變衞蘭師姐？Janice Man說：「唔好咁講師唔師姐，我拍戲經驗都好淺，都係新人嚟咋！」