早前羅凱珊(Kama)在日本期間,因急性盲腸炎返港入院做手術,出院後輕了10磅,比今年拍寫真時還要瘦。最近已康復得七七八八的她為慶祝寫真大賣,就約了小小So食飯。
小小So:恭喜你寫真大賣,影得身形又咁靚!
Kama :多謝你。不過去影相嗰陣都未係最瘦,盲腸炎之後仲輕咗10磅,不過焉知非福,咪當減肥囉!公司仲叫我Keep住呀!
小小So:點Keep呀?
Kama :6點之後唔食澱粉質!開頭都幾辛苦,但今晚咁開心就破例!呀!都食得咁上下,你要唔要甜品呀?
小小So:唔使!好飽喇!
Kama :吓!你唔食?(轉頭問侍應生)唔該畀個甜品餐牌我!
雖然Kama嘅舉動令小小So即場O嘴,但點知原來間餐廳嘅經理見Kama食得咁開心,再「買一送一」多送一個甜品畀佢,結果Kama又食得晒。小小So從Kama身上深深體會到「食得是福」嘅道理,不過就係發「福」個「福」。