在北京長大的「財務仔」Luke Lu（路暢），憑40吋胸肌深受廣告商歡迎。原來當年他被男模搶走女友，激發他入行的決心，2年前來港獨闖天下！
最近憑UA財務廣告熱爆廣告界的Luke，生於山西，自細與家人在北京生活，長大後由朋友介紹做模特兒，入行原來是被初戀女友「激發」：「我個初戀女友畀一個男模搶走，我覺得自己輸咗，但又唔甘心，所以有朋友叫我試吓，就一口答應，諗番都要感謝佢！」
雖然北京模特兒市場大，但他們總要較成熟的臉孔，對於當時只得22歲的Luke來說，自然發揮有限，幸好他很快遇上伯樂：「有個香港攝影師話我呢張臉孔好適合喺香港發展，之後我就決定闖吓！不過發展並無想像中順利，香港人比北京人嘅時間觀念更重，好多人唔會等你！試過第一次拍電視廣告，導演話我笑容太生硬，結果NG咗好多次，壓力真係好大！」
夥拍祖兒拍MV
由內地隻身來港，又不懂說廣東話，幸健談的Luke很快便識到新朋友，他正是周秀娜的男友Avis：「我所有廣東話都係佢教我，其實廣東話唔難學，最緊要係你夠膽講！」早前他有機會與天后容祖兒拍MV，他更大讚對方親切。
UA財務廣告
姓名：路暢（Luke）
年齡：26歲
身高：6呎1吋
廣告：UA財務、3 Telecom、Pizza Hut、中國大連城市旅遊宣傳片等。
MV：容祖兒《愛怪物的你》及周麗淇《越愛越怕追》。