阿嬌主演的舞台劇《星爸亞爸》將於下周四（27號）公演，昨日她抽空出席活動時坦言心情緊張：「舞台劇會獨唱一首歌《生活在他方》，除咗配合個劇之外，其實係想送畀一個因為癌症而離開嘅朋友！（單飛出碟？）呢樣嘢要問公司喎！」

陳文媛獲男友支持做老闆娘，值得恭喜。 資料圖片

阿嬌（左二）喜與粉絲接觸，相當親切！

拒出席賑災騷

雖然忙於工作，但阿嬌仍留意台灣水災災情，曾到訪四川的她期待完成舞台劇後，可以到當地救災：「我唔會出席電視賑災騷，反而想身體力行多啲！（有陰影？）唔係，只係唔想將件事扭曲，變成第二樣嘢！我唔出席都係一件好事。」對於有傳她客串《越光寶盒》的戲份被刪，她解釋只是到片場探導演。

另外，對於陳文媛榮升老闆娘，阿嬌雖然跟對方不熟，但仍送上祝福：「我唔應該回應太多，不過外間對佢同男友有好多唔好嘅揣測，佢出嚟就力證冇事，既然佢諗住離開娛樂圈，希望大家唔好騷擾佢，我祝福佢！（羨慕佢？）我好開心佢搵到個咁錫佢嘅人，好難得！」