前日確診豬流感的鄧麗欣（Stephy），昨日在網誌交代病況，指現已無大礙，感謝老闆、朋友、同事與歌迷關心，還有媽咪的照顧：「小小的病痛也算是一種福氣，你們的愛，足已替我打敗病菌。」最後以短短一句向近日曾與她接觸的人送上祝福：「希望在前幾天有跟我接觸過的朋友會安然無恙。」其所屬的金牌大風發言人表示Stephy已退燒：「佢係好初期，唔係好嚴重，醫生話兩至三日就會好，Stephy本身就想休息多幾日。」

同公司的森美與Kary昨日以代言人身份，出席《香港電腦通訊節2009》。曾一度盛傳同樣中招的Kary，在台下戴着口罩接受訪問，她說：「我咳咗一星期，之前又發燒，已經去醫院檢查咗，冇中招，戴口罩係唔想傳染畀人啫！」Kary表示近日只透過電話接觸Stephy：「大家都發燒，慰問吓！同公司講咗想休息多幾日，今日考慮過身體應付到先出席。」

現已停工的Stephy在家中自我隔離，透過網誌分享患病感受與最新病況。資料圖片	放大圖片	曾與鄧麗欣有緊密接觸的余文樂，仍未出現豬流感病徵。 資料圖片

森美嘲公司變「金牌傷風」

至於在《機器俠》首映上曾接觸Stephy的森美，踢爆公司出現另一疑似患者：「嗰日唐素琪都唔舒服，睇一半就走咗，我其中一個小朋友都發燒，睇咗醫生退燒先冇咁擔心！依家『金牌大風』變咗『金牌傷風』！」由於經常與人接觸，森美坦言為保障家人會十分小心，問到會否擔心中招，他風趣地說：「唔好講，講講吓都好似有啲暈暈哋！」記者就此向金牌求證，其發言人說：「唐素琪係唔舒服啫！都冇其他職員患病。」

至於日前與Stephy齊齊出席活動的余文樂表示，身體未有出現不適，暫時不會到診所檢查：「多謝大家關心，如果有事一定會即刻通知大家。」曾與Stephy接觸的陳芷菁亦心慌慌，即向家庭醫生與兒科醫生請教，暫時會避免帶小朋友到高危地方。