早前有指謝婷婷不欲與是非o靚模周秀娜同公司而自行與公司解約，昨日婷婷出席Christian Dior舉行的《Diorskin Nude素肌妝效》發布會時否認其事：「我想澄清一下，其實我一直搵開個女仔幫我手接Job，但因為佢要生BB，所以我先搵阿輝（謝霆鋒前助手，有指是Model公司的幕後老闆）幫手，根本冇簽過約，所以亦冇解約呢回事！」
婷婷強調與o靚模市場不同，只要有實力，不怕跟誰人一起工作。至於有指霆鋒自組公司？婷婷說：「阿哥依家做得好開心，日日都進步，唔覺得佢想開經理人公司。」她表示父親因怕她辛苦而勸她不要簽公司，而男友安志杰則給予無限量支持，更煮飯給她吃。
