陳偉霆（William）、洪卓立（Ken）、湯怡、詩雅、鍾舒漫（Sherman）及陳家樂昨日出席相機活動，與兩位緋聞女友湯怡和詩雅同場的Ken表示，曾為緋聞女友拍照，但詩雅卻踢爆：「佢最鍾意『高炒』同『低炒』我！」Ken聞言尷尬反駁：「只係百分之一嘅相係咁影啫！」
至於William亦透露會為緋聞女友Angelababy拍照，但反而Baby的相不及愛犬多，被取笑人不如狗，William緊張地說：「唔好咁講，因為我兩隻狗好大年紀，想影低多啲相日後留念啫！」他又自爆拍戲時導演要求他睇鹹書，並笑言險些七孔流血。
Sherman則自爆昨日接載她的司機近日曾接載鄧麗欣（Stephy），雖然Stephy確診豬流感（H1N1甲型流感），但Sherman卻表示不擔心：「個司機都冇豬流感病徵，但我都會保持衞生，每日返屋企都會第一時間衝入廁所洗手！」