前晚蔡卓妍（阿Sa）帶病出席《新城18聲光綻放音樂會》時，面青青的她一臉病容，即惹來豬流感疑雲，她說：「又攰又凍，中午屙到依家，應該係食錯嘢。（睇醫生未？）未睇。」雙手按住肚子的她表示肚屙，屙到腳軟，但強調冇豬流感病徵：「我淨係屙嘔咋！冇發燒、冇鼻水、冇喉嚨痛，應該係食錯嘢，咁大個人，發燒點會唔知？」她指經常與助手交叉感染，因此習慣有病即戴口罩。

新城廣播有限公司董事總經理馬建生（右起）與楊千嬅、梁詠琪、側田及農夫舉杯，慶祝電台成立十八周年。	患感冒的Kay已申請放假休息。	Soler的親戚亦確診豬流感，要入院隔離。

當阿Sa得悉鄧麗欣（Stephy）確診豬流感後亦不禁「哎呀」兩聲，問到Stephy冇戴口罩出席活動，是否有欠衞生常識？阿Sa說：「應該可憐佢、體諒佢，唔好歧視佢。（意識太低？）經一事長一智。（叫鄭中基小心？）個個都要小心，最緊要畀Stephy休息，有時做嘢想戴口罩都會畀人要求除低。」

謝安琪感冒未愈

同場的謝安琪（Kay）一襲紅色低胸裙最養眼，對於日前獻唱時被噓，Kay坦言感到不悅，但會視作推動力，答應會積極作出改善。對於Stephy感染豬流感，患感冒的Kay說：「《Summer Pop》嗰日有見過佢，不過我病咗好耐，一定唔係畀佢傳染，仲咳到條頸又腫又痛。」並指經理人已為她安排兩天假期休息。至於李克勤則說：「唔係好大件事，我一定會注重衞生，但又唔好睇到生人勿近！」他亦關心成奎安的病況，表示會託譚詠麟問候他。樂隊Soler亦透露澳門的親戚確診豬流感：「係小朋友，要喺醫院隔離唔探得，最後都冇事。」

文：音樂組

攝：林 楠