性取向成謎的拉丁男歌手Ricky Martin，去年八月聘請代母以人工受孕方式誕下孖仔Matteo及Valentino。繼月前父子齊齊登上雜誌封面後，Ricky前日亦在個人社交網上，公開與一歲大孖仔的生活近照。現年37歲的Ricky，帶同孖B到海灘，雙手抱着兒子，又躺在沙灘上陪囝囝玩沙。

明年再戰樂壇

其實自孖B出生後，Ricky便暫停音樂事業，這一年間，他於老家波多黎各做全職爸爸，更表示沒有聘請保母幫手，要親力親為照顧一對寶貝。雖然父兼母職，但Ricky接受訪問時說：「我依家真係好高興，無論佢哋笑定係喊，我都覺得好恩賜。」他更指出現在是一生中最有意義的時刻。另外，有傳Ricky準備於明年推出雙語新碟，重返樂壇。