在電影《愛出貓》中周旋於李蘊及G.E.M.之間的James，現實中亦被二人耍得團團轉，由於三人分屬老友，經常在片場打打鬧鬧，James更不止一次成為「受害人」，他說：「我哋成日玩Killer，G.E.M.每次輸親都會尖叫，仲會係咁打我同搣我，所以我幫佢改咗個名叫『暴力王』！」

他踢爆G.E.M.與李蘊不時爭風呷醋，令他左右做人難：「G.E.M.見到我同李蘊有親熱戲，就會扮呷醋話『得啦！你拖佢得啦！你唔好理我喇！』李蘊又係咁，真係好煩！哈哈！不過，佢哋雖然好好笑，但我唔會揀佢哋做女朋友，因為我好怕女人嘈！」

G.E.M.（左）與李蘊在片中爭奪James，由戲內鬥到戲外。

性格男仔頭的G.E.M.，在James面前變得小鳥依人。

玩出火被罵

James還自爆有一次整蠱G.E.M.：「我哋喺間有好多曱甴嘅屋入面拍嘢，見G.E.M.好似好驚咁，咪搏命嚇佢囉！點知佢驚到狂叫，結果畀副導演鬧，話我哋嘈親住喺附近嘅人！」